Entre Fausto e Fenosa

A miña imaxinación é como os contratos coas compañías eléctricas, coa única diferenza de que se me paso non salta o automático, carbonízome. Palmo, pero tampouco teño que pagar máis. Éche o que ten a avaricia.
_

Anuncio por palabras








Ofrécese casa para entrar a roubar a lo menos un deshidratador de froitas, o típico agasallo familiar, dos que saben o que queremos e o que nos gusta. Máxima discreción. Acéptase taxidermista con gañas de experimentar.

Razón? Que é a versión 2.0 da maldita iogureira. Ademais, Wallapop está deixando sen curro a moita xente.
_

Hashtag

Encántame. Aquí suponse que se di cancelo. Hashtag, pronúnciese esaxerando as consoantes. Como un alemán afrancesado, ou ao revés, non o teño claro. Un hipster e xa está. Por non falar do tema do hash. Haschishin que te vexo pero non, e el o que te olla a ti. A facer surf tododiós.
 _